!-- Start of adf.ly banner code -->
كيف تحافظ علي بطارية موبايلك ؟ : (ملخص في الاخر).
البطاريات في معظم الموبايلات و اللابات هسي Lithium Ion و من خصائصها إنها بتشتغل بنظام الCharge Cycles أو دورات الشحن يعني كل شحنة ل100٪ بتاخد دورة كاملة، و بيبقي عمر البطاريات من 1000 إلي 1500 دورة ، و كل دورة بتقلل حجمها بحاجة بسيطة جدا بس مع الوقت بتبان.
مفاهيم عشان نبسط الدنيا :
Battery Life : يعني البطارية بتقعد اد إيه من 100٪ ل0٪
Battery Lifespan : يعني كام شحنة أو يوم تحصل قبل ما تلاقي إن البطارية مبقتش بتحافظ علي الشحن و الموبايل مبيقعدش ساعتين علي بعض.
البطارية الLithium بتبقي في أحسن حالاتها و هي 50٪ ، فلو عايز تقعد معاك اكتر حاول تخليها عند مستوي الشحن ده و كل ما زادت أو زادت البطارية حالاتها هتبقي أسوء.
و برضو ايونات الLithium بعضها بيبوظ لما الموبايل بيفصل شحن خالص لو يتشحن للاخر خالص ، فنحاول ولا نقلل الشحن أقل من 10٪ ولا نزوده عن 80٪ ( إلا للضرورة طبعا)
هل إني اسيب الموبايل في الشاحن و أنا نايم عادي ولا فيه مشكلة ؟
لا ، بس زي م قولت كل منشحن آكتر من 80٪ كل ما هتستهلك البطارية آكتر علي المدي الطويل.
و برضو درجة الحرارة عامل مهم ، البطارية ممكن تستحمل من 0° لحد 45° ، بس بيكون احسنلها من 35° ل10° (ولو حبيت يعني تحافظ عليها لاكبر قدر ممكن فخليها من 16° ل25°)
فلو مثلا ماسك الموبايل كتير أو بتلعب لعبة تقيلة و زاد عن 40° يستحسن تحطه قدام مروحة أو تسيبه يبرد شوية.
الخلاصة :
1- اشحن الموبايل من 10٪ ل80٪ و متزود ولا تقلل علي قد ما تقدر.
2 - متخلي الموبايل يفصل شحن بعد كدا تشحنه ل100٪.
3- حاول حرارة البطارية تكون أقل من 35° و متزيدش عن 40°.
4- كل ما تقلل حرارة الموبايل بالذات و هو بيشحن هيبقي أحسن (عن نفسي بحط قماشة علي الموبايل و فوقيه مكعب تلج حرارته بتنزل ل22°)
5- قلل الوقت إللي بتمسك فيه الموبايل و هو بيشحن أو متمسكهوش خالص عشان حرارته بتزيد زائد إن ده بيعمل Stress علي البطارية. (لو لاب بطاريته بتتشال شيلها لو مش محتاجها).
مصادر : ( شوف ع المصادر هه)
المصدر الأول إضغط هنا | here
المصدر التاني إضغط هنا | here
المصدر الثالث إضغط هنا | here
المصدر الرابع إضغط هنا | here
المصدر الخامس إضغط هنا | here
تطبيقات مهمة :
AccuBattery
جميل جدا تقدر تحمله من ال Play store بيقولك بطاريتك عمرها قد إيه و حرارتها كام و تشحنها إزاي و إيه التطبيقات إللي بتسحب بطارية آكتر الخ.. بنصح بتحميله جدا.
Battery Temperature
ابليكيشن بسيط جدا بيقولك حرارة البطارية و ممكن تخليها تظهر في الNotifications.
لو عندك أي استفسار خلي كومنت و حرد عليك ❤️
إرسال تعليق
مرحبا بك اشترك بقناتنا على اليوتيوب اسم القناة شاكر جيمر -Shaker Gamer